នៅក្នុងពិភពលោកទាំងមូលគេទទួលស្គាល់ថា ការសិក្សា ធ្វើឲ្យមនុស្សកាន់តែឆ្លាតឈ្លាសវៃឡើង ដូច្នឹងហើយនៅគ្រប់ប្រទេសទាំងអស់ក្នុងសកលលោក គេបានរៀបចំឲ្យប្រជាជនរបស់ខ្លួនបានទទួលការសិក្សារៀនសូត្រថ្នាក់មូលដ្ឋានគ្រឹះតាមគោលការការណ៍ច្បាប់ ដែលបានកំណត់។ សម្រាប់ក្នុងប្រទេសកម្ពុជារបស់យើងមានក្រសួងអប់រំយុវជននិងកីឡាជាស្ថាប័នទទួលខុសត្រូវចំពោះការសិក្សាអប់រំគ្រប់កម្រិតដែរ។
កាលនៅសម័យដើមពិភពលោកកំពុងស្ថិតនៅក្នុងការអភិវឌ្ឍ ពុំទាន់មានច្បាប់សម្រាប់គ្រប់គ្រងលើប្រព័ន្ធសិក្សាអប់រំនៅឡើយទេ បុគ្គល ណាចង់រៀនឬមិនចង់រៀនក៏ស្រេចតែចិត្តរៀងៗខ្លួន តែក្នុងយុគសម័យនោះបែរជាសម្បូរទៅដោយអ្នកប្រាជ្ញព្រឹទ្ធបណ្ឌិតវិទូ កវីនិពន្ធល្បីល្បាញនិងអ្នកចម្បាំងដ៏អង់អាចក្លាហានជាច្រើនរូបក្នុងលោកទៅវិញ។ បុគ្គលទាំងអស់នោះ ពិភពលោកបានឲ្យតម្លៃយ៉ាងខ្ពង់ខ្ពស់ថាជាបុគ្គលមានខួរក្បាលអច្ឆរិយៈដូចជា អាល់បឺត អ៊ែនស្តែន, អាឌុហ្វហ៊ីត្លែ, ថូម៉ាស់ អាល់វ៉ា, អេឌិសាន់ វ៉ូលហ្វ៍កាង, អាមេដ្យៀស ម៉ូសាទ, ព្រះបាទអាឡិចសាន់ឌ័រ មហារាជ និងអច្ឆរិយៈបុគ្គលជាច្រើនរូបផ្សេងទៀត … ថាតើពួកគាត់ទាំងនោះមានមូលដ្ឋានគ្រឹះការសិក្សាអប់រំយ៉ាងដូចម្តេចកាលនៅក្នុងវ័យកុមារ និងវ័យ សិក្សា?
