«សង្គមវិទ្យាជាវិជ្ជាបែបណា?» អ្នកប្រាជ្ញសង្គមវិទ្យាសម័យថ្មីយល់ថា ការសិក្សាសង្គមវិទ្យា ពុំមែនតែជាការសិក្សាស្ថាប័ននៃសង្គមនីមួយ
ឡើយ។ គេអះអាងថា ការសិក្សាសង្គមវិទ្យាជាការសិក្សានៃការប្រែងប្រួលរបស់សង្គមទៅវិញ។ អ្នកប្រាជ្ញសង្គមវិទ្យាសម័យថ្មីដូចជា
លោកG.Gurvitvh និងលោក Raymond Aron ជាអាទ៍ក៏យល់ដូច្នេះដែរ។នៅក្នុងការសិក្សារបស់លោកមួយ ដែលមានចំណងជើងថា
«ឧបនិស្យ័យបច្ចុប្បន្ននៃសង្គមវិទ្យា» លោក Georges Gurvitvh បានសរសេរថា សង្គមវិទ្យាជាវិទ្យាសាស្ត្រដែលបោះជំហានទៅមុខ ឫ
យ៉ាងហោចណាស់ ជាវិទ្យាសាស្រ្តដែលប្រែប្រួលទៅតាមវិបត្តិសង្គមនីមួយៗ ទោះបីជាមានទំហំធំប៉ុនណាក៏ដោយ»។ចំណែកលោក
Raymond Aron វិញបានសរសេរថា «សង្គមវិទ្យាហាក់បីដូចជាវិទ្យាសាស្រ្តមួយបែបដែលស្រាវជ្រាវពុំឈប់ឈររកលក្ខណះរបស់
ខ្លូន»តាមពិតទៅសង្គមវិទូម្នាក់ៗដែលសិក្សា ដែលចាប់ផ្តើមសិក្សាវិជ្ជានេះ តែងតែចោទសួរខ្លូនឯងថា តើសង្គមវិទ្យានេះ ជាវិជ្ជាបែបណា?
ដោយអ្នកខ្លះថែមទាំងសង្ស័យថា តើវិទ្យាសាស្រ្តដែលសិក្សាសង្គមមនុស្សដូច្នេះអាចមានទៅកើតទេ? ប៉ុន្តែបើយើងពិចារណាទៅ
វិទ្យាសាស្រ្តណាក៏ដូចវិទ្យាសាស្រ្តណាដែរ គឺចេញពីមូលដ្ឋានមួយ ហើយលោតទៅរកមូលដ្ឋានមួយទៀត ដោយបានទៀតចោលនូវ
មូលដ្ឋានចាស់ជាធម្មតា ហើយសូម្បីតែរូបវិទ្យាក៏ដូច្នេះដែរ។
