សៀវភៅ សម្រង់ទស្សនៈរបស់កំពូលអ្នកប្រាជ្ញ បុរាណចិន គឺជាឯកសាររៀបរៀងដ៏មានគុណតម្លៃ ដែលប្រមូលផ្តុំ នូវបណ្តាទស្សនៈនិងសុភាសិតដ៏មានអត្ថន័យរបស់អ្នកប្រាជ្ញចិន បុរាណ ដែលរួមបញ្ចូលទាំងទស្សនវិទូ អ្នកនយោបាយ អ្នករៀបចំ យុទ្ធសាស្ត្រសង្គ្រាម កវីនិពន្ធ និងមេទ័ព ដោយពួកគាត់ម្នាក់ៗគឺ សុទ្ធតែជាបុគ្គលឆ្នើមដែលបានបង្កើតនូវស្នាដៃយ៉ាងច្រើនមហិមាជូន មាតុភូមិចិន មិនថាតែស្នាដៃសិល្បៈ ឯកសារទស្សនវិជ្ជា យុទ្ធសាស្ត្រ សង្គ្រាម ឬគុណធម៌អប់រំដ៏ច្រើនសម្បូរបែបក្ដី។ អ្វីដែលគួរឱ្យកត់ សម្គាល់ ថ្វីដ្បិតតែបណ្ដាទស្សនៈទាំងនោះ បានបង្កើតឡើងតាំងពី រាប់រយរាប់ពាន់ឆ្នាំមុនទៅហើយក្ដី ក៏វាហាក់នៅតែមានលក្ខណៈ ប្រាកដនិយមនិងអាចអនុវត្តបាននៅក្នុងយុគសម័យថ្មីនេះ ដែល ខ្លឹមសារនៃទស្សនៈភាគច្រើន គឺមានចេតនាតម្រែតម្រង់មនុស្ស ឱ្យប្រកាន់យកនូវគុណធម៌ មានសេចក្តីស្មោះត្រង់ ខំប្រឹងប្រែង និង មិនបោះបង់ចោលការរៀនសូធ្យា។
ទោះបីយ៉ាងណា ការរៀបរៀងសៀវភៅមួយចំណងជើងនេះ ឡើង មិនមែនជារឿងងាយស្រួលប៉ុន្មានទេ ដ្បិតថា ទស្សនៈរបស់ អ្នកប្រាជ្ញមួយចំនួនមិនសូវមានបង្ហាញទូលំទូលាយនៅលើប្រព័ន្ធ អ៊ីនធឺណិតជាភាសាអង់គ្លេសឡើយ ហើយទស្សនៈខ្លះទៀតក៏ហាក់មានភាពស្រពេចស្រពិលនិងមិនមានអត្ថន័យពេញលេញ ដែល ជាហេតុបង្កនូវការលំបាកក្នុងការប្រែសម្រួលទស្សនៈទាំងនោះមក ជាភាសាខ្មែរ។
ជាចុងក្រោយ ក្នុងនាមក្រុមអ្នករៀបរៀង យើងខ្ញុំសូមថ្លែង អំណរគុណចំពោះបងប្អូនអ្នកអានដែលបានជ្រើសរើសសៀវភៅ មួយចំណងជើងនេះជាមិត្តក្នុងការសិក្សាឈ្វេងយល់អំពីមត៌ក ចំណេះដ៏មានតម្លៃដែលបន្សល់ទុកដោយបុព្វបុរសចិន ដើម្បីល្បិច យកជាគំនិតមកអនុវត្តក្នុងជីវភាពរស់នៅប្រចាំថ្ងៃ។ យើងខ្ញុំក៏សូម អភ័យទោសទុកជាមុននូវរាល់កំហុសឆ្គងដែលកើតមានឡើង ដោយអចេតនា ជាពិសេសគឺកំហុសក្នុងការប្រែសម្រួលទស្សនៈ ពីភាសាបរទេសមកជាភាសាជាតិ ហើយយើងខ្ញុំរីករាយនឹងទទួល យកពាក្យរិះគន់ដើម្បីស្ថាបនាពីគ្រប់មជ្ឈដ្ឋានទាំងអស់។
សម្រង់ទស្សនៈរបស់កំពូលអ្នកប្រាជ្ញបុរាណចិន ជាប្រភេទសៀវភៅ ប្រវត្តិរូបសង្ខេបនិងកម្រងទស្សន:របស់កំពូលអ្នកប្រាជ្ញបុរាណចិនកាលពីសម័យបុរាណ ចំនួន១៥រូប ដូចជា៖ ខុងជឺ ឡៅជឺ ស៊ុនជឺ វៃយ៉ាង ម៉ស៊ឺ ស៊ូតុងប៉ ឆាវឆាវ ជូកឺលាំងជាដេីម។
