សរសេរកូដជីវិត គឺជាប្រភេទសៀវភៅបែបទស្សនៈ និងអំពីការធ្វើកំណែទម្រង់ជីវិតឲ្យ មានមូលដ្ឋានកាន់តែរឹងមាំ។ សៀវភៅនេះត្រូវបានសរសេរឡើងដោយផ្ដោតសំខាន់លើ អ្នកអានគោលដៅជាយុវវ័យ និងមនុស្សវ័យកណ្តាលនៅប្រទេសកម្ពុជា។ ខ្លឹមសារនៅ ខាងក្នុងត្រូវបានចែកជាបីផ្នែកធំៗ ដោយអ្នកនិពន្ធបានផ្ដើមបង្ហាញអំពីដំណើរ និង មេរៀនជីវិតសំខាន់ៗរបស់មនុស្សទូទៅនាសង្គមបច្ចុប្បន្ន បន្ទាប់មកចូលដល់របៀប ជ្រើសរើសកូដជីវិតចាំបាច់ និងរៀបប្រព័ន្ធប្រតិបត្តិការ មុនពេលចូលគៀកផ្នែកចុង បញ្ចប់អំពីការបង្កើនតម្លៃនៃការរស់នៅ និងពង្រឹងប្រសិទ្ធភាពនៃការតម្លើងកូដជីវិត។ ពី មួយចំណុចទៅមួយចំណុចត្រូវបានតភ្ជាប់គ្នាយ៉ាងរស់រវើ និងស៊ីចង្វាក់ទាំងអត្ថន័យ និងរបៀបសរសេរ ធ្វើឲ្យអ្នកអានងាយយល់ ជក់ចិត្ត និងមានប្រយោជន៍សម្រាប់ជីវិត រស់នៅជាក់ស្តែង។ រឹតតែពិសេស មានចំណុចជាច្រើនត្រូវបានសរសេរផ្អែកលើការ សិក្សាថ្មី ដូច្នេះអ្នកនិយមការអាននឹងទទួលបានបទពិសោធន៍អានសៀវភៅនិពន្ធថ្មីក្នុង ស្រុក ប្លែកពុំធ្លាប់មានក្នុងប្រព័ន្ធអប់រំ។
មុនពេលបញ្ចេញលក់ជាផ្លូវការ សៀវភៅមួយក្បាលនេះត្រូវបានត្រួតពិនិត្យ និងវាយតម្លៃយ៉ាងយកចិត្តទុកដាក់នៅ Noble Read ព្រមទាំងបានឆ្លងកាត់ក្រសែភ្នែក បុគ្គល និងស្ថាប័នជាដៃគូក្នុងវិស័យអំណាន ជាច្រើនដំណាក់កាលនៅក្នុងប្រទេស កម្ពុជា។ ខ្លឹមសារក្នុងសៀវភៅទាំងមូលត្រូវបានផ្ដុំអត្ថន័យឲ្យមានលក្ខណៈប្រទាក់ក្រឡា បន្តគ្នា ដូច្នេះអ្នកអានគួរចាប់ផ្តើមអានតាមលំដាប់មេរៀន។
