សាងគ្រឹះនគរ (ចក្រភពឈីង)
របៀបរៀបចំប្រទេស ពីខ្សោយទៅខ្លាំង ពីតូចទៅធំ ពីនគរឈីង ទៅជាអាណាចក្រឈីង
«ក្នុងនាមជនជាតិឈីង តស៊ូដើម្បីជាតិ» ជាពាក្យមួយឃ្លាដែលខ្ញុំបានឮនិងឃើញស្ទើរតែគ្រប់ឈុតឆាកក្នុងរឿងភាគបុរាណចិនមួយ។ ចក្រភពឈីង (The Qin Empier) គឺជាភាពយន្តដែលខ្ញុំចូលចិត្តនិងឱ្យតម្លៃ ដ្បិតសាច់រឿងពោរពេញដោយគោលគំនិតល្អៗក្នុងការកសាងនគរ (ប្រទេសជាតិ) ឱ្យរឹងមាំ ខ្លាំងក្លា និងរុងរឿង។
«សាងគ្រឹះនគរ» គឺជាចំណងដែលខ្ញុំសម្រេចចិត្តដាក់ឱ្យសៀវភៅមួយក្បាលដែលស្ថិតក្នុងដៃអ្នកនៅពេលនេះ ហើយខ្លឹមសារមួយចំនួនធំត្រូវបានដកស្រង់ពីខ្សែភាពយន្តនេះ រួមបញ្ចូលជាមួយព្រឹត្តិការណ៍និងស្ថានភាពនៅបណ្តាប្រទេសនានាក្នុងពិភពលោកនាពេលបច្ចុប្បន្ន។ ខ្ញុំយល់ថា ប្រទេសជាតិរបស់យើង ក៏កំពុងស្ថិតក្នុងស្ថានភាពមិនខុសគ្នាឆ្ងាយ ហើយរិតតែត្រូវការមូលដ្ឋានគ្រឹះ ក្នុងការកសាងប្រទេសជាតិឱ្យកាន់តែខ្លាំងក្លាបន្ថែម។ ពាក្យមួយឃ្លាទៀតក៏បានទាក់ចិត្តខ្ញុំមិនស្ទើរដែរគឺ “ទឹកដីសម្បូរសម្បត្តិធម្មជាតិប៉ុន្តែប្រទេសក្រីក្រ កងទ័ពមិនខ្លាចស្លាប់ប៉ុន្តែប្រទេសជាតិទន់ខ្សោយ បាត់បង់ទឹកដីម្តងបន្តិចៗ នោះដោយសារតែមិនទាន់មានការរៀបចំ” ហើយសៀវភៅនេះបានបង្ហាញអំពីចំណុចសំខាន់ៗក្នុងការរៀបចំប្រទេសនេះឯង។
