ដេល កានេហ្ស៊ី ជាអ្នកនិពន្ធដែលមានឈ្មោះល្បីល្បាញចាប់ពីពាក់កណ្តាលសតវត្សទី 20 ហើយស្នាដៃរបស់គាត់នៅតែមានការទទួល
ស្គាល់ពីសំណាក់អ្នកអាននៅទូទាំងពិភពលោករហូតមកទល់បច្ចុប្បន្ន។ ពេលនេះស្នាដៃមួយរបស់គាត់គឺសៀវភៅ សិល្បៈចងមិត្ត បន្ទន់ចិត្តអ្នកដទៃដែលជាស្នាដៃអមតៈរបស់គាត់កំពុងតែស្ថិតនៅក្នុងដៃរបស់អ្នកនេះហើយ សង្ឃឹមថាលោកអ្នកនឹងទទួលប្រយោជន៍យ៉ាងធំធេងក្នុងការយកទៅអនុវត្តជាក់ស្តែងក្នុងជីវិតប្រចាំថ្ងៃ ព្រោះគាត់សរសេរសៀវភៅនេះដោយផ្តោតសំខាន់ទៅលើផ្នែកប្រតិបត្តិដែលត្រូវហ្វឹកហាត់អនុវត្តដោយខ្លួនឯង។ គាត់បានជួយឲ្យបុគ្គលល្បីល្បាញសម្រេចជោគជ័យទាំងក្នុងជីវិតផ្ទាល់ខ្លួននិងជីវិតការងារជាច្រើនរួចមកហើយនៅទូទាំងពិភលោក។
ដេល កានេហ្ស៊ី ជាអ្នកពូកែសង្កេតមនុស្សដ៏អស្ចារ្យ និងចេះស្វែងយល់អំពីធម្មជាតិមនុស្សបានយ៉ាងជ្រាលជ្រៅ។ ដោយសិល្បៈនៃការ
សរសេរយ៉ាងត្រង់ៗចំៗងាយស្វែងយល់ក្នុងការយកទៅអនុវត្តធ្វើឲ្យសៀវភៅនេះទទួលបានការកត់ត្រាថាជា All- Time Best Seller ដែលលក់ដាច់បំផុតនៅគ្រប់យុគគ្រប់សម័យ ចាប់តាំងពីពេលបោះពុម្ពលើកដំបូងនៅឆ្នាំ 1937 ដែលសម្រេចជោគជ័យតែមួយប៉ប្រិចភ្នែក។ រហូតមកដល់បច្ចុប្បន្ន ឆ្លងកាត់តាមរយៈពេលវេលា ទោះបីជាមានការផ្លាស់ប្តូរវិធីរស់នៅ ឬការប្រកបអាជីពផ្សេងៗមានការផ្លាស់ប្តូរច្រើនកម្រិតណា ហើយក៏នៅតែមានការផ្លាស់ប្តូរបន្តទៅមុខយ៉ាងណា ក៏គោលប្រតិបត្តិសំខាន់ៗ វិធីប្រតិបត្តិចំពោះអ្នកដទៃដែល ដេល កានេហ្ស៊ី សរសេរនៅក្នុងសៀវភៅនេះក៏នៅតែគ្មានអ្វីផ្លាស់ប្តូរ ហើយនៅតែអាចប្រើការបានល្អ រហូតមានការទទួលស្គាល់ទូទាំងពិភពលោកថាជាសៀវភអភិវឌ្ឍមនុស្សទាក់ទងនឹង People skills ដំបូង និងនៅតែជាសៀវភៅល្អបំផុតដែលជួយនាំអស់លោកអ្នកឆ្ពោះទៅរកជោគជ័យ។ សង្ឃឹមថាលោកអ្នកក៏ជាសមាជិកម្នាក់ក្នុងបណ្តាអ្នកសម្រេចជោគជ័យទាំងនោះ។
