ស្នេហាផ្អែមជាងទឹកឃ្មុំ រឹងមាំជាងដែកថែប គឺជាសៀវភៅមួយក្បាលដែលនឹងមកបង្ហាញឱ្យបងប្អូនអ្នកអានបានដឹងកាន់តែច្បាស់អំពីធម្មជាតិនៃស្នេហា ភាពខុសគ្នារវាងស្នេហាទូទៅនិងស្នេហាដែលផ្អែមជាងទឹកឃ្មុំ ព្រមទាំងរបៀបកសាងស្នេហាឱ្យមានភាពរឹងមាំជាងដែកថែប។
ជាទូទៅ ស្នេហាមួយអាចក្លាយទៅជាថ្នាំពិសឬថ្នាំប៉ូវ គឺអាស្រ័យលើខ្លួនអ្នកជាអ្នកកំណត់។
តើអ្នកអាចកំណត់វាបានដោយរបៀបណា?
នៅក្នុងសៀវភៅមួយនេះ នឹងបង្ហាញប្រាប់ឱ្យអ្នកបានដឹងទាំងអស់។
សៀវភៅមួយក្បាលនេះត្រូវបានបែងចែកទៅជា៦ចំពូកសំខាន់ៗ ដែលចាប់ផ្ដើមពីចំពូកទី១ នឹងបង្ហាញឱ្យបងប្អូនអ្នកអានបានដឹងអំពីធម្មជាតិទូទៅនៃស្នេហា។ ចាប់ផ្ដើមពីចំពូកទី២ដល់ទី៣ យើងនឹងផ្ដោតសំខាន់ទៅលើរបៀបស្វែងរកនិងកសាងស្នេហាដែលមានរសជាតិផ្អែមជាងទឹកឃ្មុំ រីឯចំពូកទី៤និងទី៥ នឹងផ្ដោតសំខាន់ទៅលើរបៀបបំប្លែងពីស្នេហាដែលផ្អែមជាងទឹកឃ្មុំ ទៅជាស្នេហាដែលមានភាពប្រាកដប្រជា ដែលយើងហៅថា “ស្នេហារឹងមាំជាងដែកថែប”។ ដោយឡែក ចំពោះចំពូកចុងក្រោយគេ គឺចំពូកទី៦ យើងនឹងលើកយកមកបង្ហាញនូវរឿងរ៉ាវស្នេហាពិតរបស់គូស្នេហ៍ចំនួន៤ ដើម្បីជាសក្ខីភាពឆ្លុះបញ្ចាំងឱ្យបងប្អូនជឿថា នៅលោកនេះ ពិតជាមានស្នេហាស្មោះប្រាកដមែន។
