បើតម្លៃនារីស្ថិតនៅលើរូបឆោមលោមពណ៌ល្អស្អាតដូចស្លាបមយូរីពិតមែននោះ ខ្ញុំចង់បង្វិលពិភពនេះឱ្យវង្វេងដោយសារសម្រស់មយូរី ប្រើបេះដូងលាបពណ៌កំដរជីវិតឥតន័យដូចដែលគ្រប់គ្នាត្រូវការចុះ។ បើលោកនេះខ្វះសច្ចៈនៃបេះដូង បើលោកនេះមិនឱ្យតម្លៃស្នេហាស្មោះទៅហើយ រក្សាបេះដូងមួយនេះដើម្បីអ្វីទៅ?
បើបុរសមិនអាចស្មោះស្នេហ៍ ហេតុអ្វីក៏នារីត្រូវលះបង់ជីវិតទាំងមូលរក្សាទុកបេះដូងដែលឥតតម្លៃទៅវិញ? ជាការពិតណាស់ចានក្នុងរាវតែងតែរណ្ដំ! គូស្នេហ៍តែងតែអាចមានបញ្ហា មានទំនាស់នឹងគ្នាខ្លះមិនខាន! រណ្តំចុះ! មានបញ្ហាចុះតែសុំកុំឱ្យដល់ថ្នាក់ប្រេះស្រាំបែកបាក់! ព្រោះបើប្រេះស្រាំបែកបាក់ហើយ! មិនអាចមានតំណភ្ជាប់ណាមួយមកលុបបំបាត់ស្លាកស្នាមប្រេះស្រាំឱ្យល្អដូចដើមវិញបានឡើយ!
