ប្រាំបីឆ្នាំកន្លងមកនេះ បក្សប្រជាជនបដិវត្តយើង មានការរីកធំធាត់ ច្រើនផ្នែក ជាកត្តាកំណត់ សម្រេចទិសឈានឡើងរបស់បដិវត្តន៍។ ក្នុងដំណាក់កាលថ្មីៗ របស់បដិវត្តន៍បក្សបច្ចុប្បន្ននេះ មហាសន្និបាតបក្សលើកទី ៥ បានលើកឡើងថា ការកសាងបក្ស គឺជាភារកិច្ចសំខាន់ដែលមានអត្ថន័យ សម្រេចគោលដៅ។ ចាំបាច់ត្រូវការកសាងបក្សប្រជាជនបដិវត្ត ឱ្យក្លាយទៅជាបក្ស ម៉ាក់-លេនីន ដ៏រឹងមាំ មានមាគ៌ានយោបាយដ៏ត្រឹមត្រូវ មានមូលដ្ឋានស្អាតស្អំ និងខ្លាំងក្លា នយោបាយសតិអារម្មណ៍ និងចាត់តាំង ត្រូវធ្វើឱ្យបក្សក្លាយទៅជាកងឈានមុខ។ វណ្ណកម្មករ មានឆន្ទៈប្រយុទ្ធអង់អាច ស្មោះត្រង់ជាដាច់ខាតចំពោះផលប្រយោជន៍របស់វណ្ណ-កម្មករ និងប្រជាពលករ ស្មោះត្រង់ឥតខ្ចោះចំពោះលទ្ធិ ម៉ាក់-លេនីន និងលទ្ធិអន្តរជាតិអធន មានអង្គការចាត់តំាងយ៉ាងរឹងមាំ ធានាឱ្យផ្សារភ្ជាប់ស្អិតល្មួតជាមួយមហាជន។
ដូច្នេះ ការយល់ជ្រួតជ្រាបនូវទស្សនៈសារវន្ត និងសតិអារម្មណ៍ធំៗ មួយចំនួនរបស់លោកប្រធាន ហូ ជីមិញ ស្តីអំពីការកសាងបក្ស ពេលនេះកាន់តែសំខាន់និងចាំបាច់បំផុត។ អត្ថបទសរសេរនិងបទសំណេះសំណាលទាំងឡាយដែលបានប្រមូលផ្តុំក្នុងសៀវភៅនេះ គឺជាកេរ្តិ៍មត៌កដ៏ថ្លៃថ្លា ជាគ្រឹះទ្រឹស្តី និងជាទិសស្លោកកសាងបក្ស ដែលជានិច្ចកាលបំភ្លឺឱ្យការងារកសាងបក្ស និងរួមចំណែកធ្វើឱ្យសម្បូរបែបដល់ទ្រឹស្តី ម៉ាក់-លេនីន ស្តីអំពីកសាងបក្សរបស់វណ្ណកម្មករទៀតផង។
