ជាសៀវភៅតម្រង់ទិសសម្រាប់សិស្សថ្នាក់មធ្យមសិក្សា (ថ្ងៃទី៧ដល់ទី១២) ដើម្បីដឹងឱ្យកាន់តែច្បាស់អំពីមុខវិជ្ជាដែលពួកគាត់កំពុងសិក្សា។ គ្រឹះស្ថានសង្កេតឃើញថា មានសិស្សានុសិស្សរបស់យើងជាច្រើននៅថ្នាក់មធ្យមសិក្សា មិនសូវជាបានដឹងច្បាស់អំពីមូលហេតុអ្វីដែលពួកគាត់ត្រូវសិក្សាមុខវិជ្ជាទាំងនោះឡើយ!!!
តើយើងរៀនរូបវិទ្យាដើម្បីអ្វី?
—
យើងគ្រប់គ្នាសុទ្ធតែបានដឹងថា រូបវិទ្យាគឺជាមុខវិជ្ជាដែលពិបាកសិក្សានិងឈ្វេងយល់ជាងគេមួយ ប៉ុន្តែយើងមិនអាចចៀសពីមុខវិជ្ជាមួយនេះបានឡើយ។ តើវាមានសារៈសំខាន់អ្វីខ្លះចំពោះជីវិតរបស់យើង?
នៅក្នុងរូបវិទ្យា យើងនឹងបានសិក្សាពីអ្វីៗជាច្រើន ដែលទាក់ទងនឹងចលនា ថាមពល កម្ដៅ និងបាតុភូតផ្សេងៗទៀត។ បើនិយាយឱ្យស្រួលស្ដាប់ រូបវិទ្យាសិក្សាពីបាតុភូតដែលកើតឡើងនៅជុំវិញខ្លួនយើងនិងបកស្រាយនូវមូលហេតុដែលបណ្ដាលឱ្យបាតុភូតទាំងនោះកើតឡើង។ ដូច្នេះហើយ នៅពេលដែលយើងសិក្សារូបវិទ្យា យើងនឹងលែងយល់ថា អ្វីដែលកើតឡើងនៅក្នុងជីវិតរបស់យើងគឺជាភាពចៃដន្យតទៅទៀតហើយ។
យើងប្រហែលជាធ្លាប់ឆ្ងល់ថា តើគេអាចព្យាករអាកាសធាតុដឹងបានដោយរបៀបណា? ហេតុអ្វីទើបបានជារាងមូល ប៉ុន្តែមនុស្សមិនធ្លាក់ចុះក្រោម? តើឥន្ធធនូគឺជាអ្វី ហេតុអ្វីទើបបានជាយើងអាចឆ្លើយឆ្លងគ្នាតាមទូរសព្ទបាន? ចម្ងល់ទាំងអស់នេះ សុទ្ធសឹងតែត្រូវបានបកស្រាយដោយរូបវិទ្យា។
ដកស្រង់ចេញពីសៀវភៅ៖ ហេតុអ្វីត្រូវសិក្សាមុខវិជ្ជាទាំងនេះ?
