សៀវភៅ «ហេតុអ្វីទើបអ្នកមានកាន់តែមាន» ជាសៀវភៅដែលអ្នកតាមដានឈុតសៀវភៅ ឪពុកអ្នកមានបង្រៀនកូន រង់ចាំអាននិងរៀនសូត្របន្ត ប្រៀបដូចជាសិស្សដែលរៀនចប់បឋមសិក្សា មធ្យមសិក្សា ហើយត្រូវចូលរៀនបន្តទៅកម្រិតឧត្តមសិក្សាដូច្នោះដែរ។
រឿងរ៉ាវក្នុងវិស័យហិរញ្ញវត្ថុក៏ដូចគ្នា…
បន្ទាប់ពីទទួលបានចំណេះដឹងមូលដ្ឋានក្នុងសៀវភៅ ឪពុកអ្នកមានបង្រៀនកូន ដែលចាប់ផ្តើមពីការបែងចែកឲ្យដាច់ថាអ្វីជា ទ្រព្យសម្បត្តិ និងអ្វីជា បំណុល ឆ្ពោះទៅបង្កើតនិងសន្សំទ្រព្យសម្បត្តិ ដើម្បីបង្កើតចំណូលបែបប្រយោល (Passive Income) ដែលទីបំផុតវានឹងនាំយើងទៅកាន់ភាពឯករាជ្យផ្នែកហិរញ្ញវត្ថុ។
សៀវភៅ ហេតុអ្វីទើបអ្នកមានកាន់តែមាន-ឪពុកអ្នកមានបង្រៀនកូនថ្នាក់ឧត្តមសិក្សា (Why the Rich are Getting Richer) ប្រៀបដូចជាមេរៀនថ្នាក់ខ្ពស់សម្រាប់អ្នកដែលធ្លាប់ឆ្លងកាត់មេរៀនដំបូងៗរបស់ឪពុកអ្នកមាន នាំជីវិតឆ្ពោះទៅរកចំណុចដែលអស់កង្វល់ផ្នែកហិរញ្ញវត្ថុបានមួយកម្រិត ហើយចាប់ផ្តើមសប្បាយរីករាយក្នុងការនាំជីវិតឆ្ពោះទៅរកល្បឿនលឿន ឬ Fasttrack ទៅតាមលំនាំដែលខ្លួនត្រូវការ។
សម្រាប់អ្នកដែលត្រូវការស្វែងរកភាគបន្តសម្រាប់ជោគជ័យរបស់ខ្លួន យើងជឿថា សៀវភៅ ហេតុអ្វីទើបអ្នកមានកាន់តែមាន ជាសៀវភៅដ៏ស័ក្តិសមក្នុងការរកផ្លូវដើរបន្តទៅមុខបានយ៉ាងល្អ។
អ្នកនិពន្ធ
Robert T. Kiyosaki
អ្នកប្រែសម្រួល
គឹម ចាន់ណា
