អច្ឆរិយៈ១០០រឿងនៃប្រវត្តិសាស្ត្រជប៉ុន

ប្រទេសជប៉ុនមានប្រវត្តិជាយូរយារណាស់មកហើយ មានភូមិសាស្រ្តជាកោះ មានមហាសមុទ្រជារនាំងធម្មជាតិធ្វើឱ្យពិបាកក្នុងការរុករានពីសត្រូវ និងមានលក្ខណៈនិងវប្បធម៌ដែលលេចធ្លោ។ ដោយសារតែក្នុងសម័យកាលនីមួយៗមានការផ្លាស់ប្ដូរជាច្រើន ទើបការសិក្សាពីប្រវត្តិសាស្រ្តរបស់ជប៉ុនចាំបាច់ខ្លាំងណាស់ដែលត្រូវចំណាយពេលវេលាដើម្បីធ្វើឱ្យយល់ពីសម័យកាលនានា រួមទាំងប្រវត្តិដើមទងនៃរាជវង្សនីមួយៗនិងហេតុការណ៍សំខាន់ៗដែលកើតឡើងក្នុងសម័យនោះៗ។ អច្ឆរិយៈ១០០រឿងនៃប្រវត្តិសាស្រ្ដជប៉ុនជាសៀវភៅបង្ហាញទិន្នន័យឬចំណេះដឹងដែលអមដោយរូបភាពដែលអាចអាននិងយល់បានងាយនិងជាសៀវភៅផ្តល់នូវទិន្នន័យប្រវត្តិសាស្រ្តជប៉ុននិងហេតុការណ៍សំខាន់ៗតាំងពីសម័យថ្មរហូតដល់សម័យបច្ចុប្បន្ន  ជាពិសេសគឺហេតុការណ៍ដែលធ្វើឱ្យជប៉ុននៅក្នុងលេខរៀងទីមួយនៃមហាអំណាចខាងសេដ្ឋកិច្ចរបស់ពិភពលោក។ សៀវភៅនេះជួយឱ្យមិត្តអ្នកអានយល់និងឃើញពីភាពខុសគ្នាក្នុងសម័យកាលនីមួយៗបានកាន់តែច្រើនឡើង។