គ្រប់ជីវិតទាំងអស់ដែលកើតមករស់នៅលើលោកនេះ ត្រូវតែជួបហេតុការណ៍ផ្សេងៗ ដូច្នេះត្រូវប្រយ័ត្នប្រយែងខ្លួនជានិច្ច។ បើភ្លេចខ្លួននៅពេលណា អាចនឹងឈឺធ្ងន់ឬស្រាល អាចភ្លាត់ភ្លាំង ខុសបំណង រលំរលាយ ឬបាត់បង់ទ្រព្យសម្បត្តិមាសប្រាក់ បាត់បង់សតិ ពិការទាំងចិត្តទាំងកាយ និងទីបំផុតអាចបាត់បង់ជីវិតបានទៀតផង។អ្វីដែលត្រូវអភិវឌ្ឍឱ្យកើតនូវកម្លាំងចិត្តដើម្បីឆ្ពោះទៅកាន់ជោគជ័យពិតនោះ ចាំបាច់ត្រូវអភិវឌ្ឍកម្លាំងដូចតទៅ ៖
១ កម្លាំងនៃការគិត
២ កម្លាំងនៃពាក្យសម្តី
៣ កម្លាំងនៃការធ្វើ
៤ កម្លាំងនៃការផ្តោត
៥ កម្លាំងនៃជំនឿ។
កម្លាំងទាំង៥ប្រការនេះមានសារៈសំខាន់បំផុតចំពោះជីវិតមនុស្សគ្រប់រូប គ្រប់ភេទ គ្រប់វ័យ គ្រប់ឋានៈ និងគ្រប់ស្ថានការណ៍នៃការរស់នៅដែលធ្វើឱ្យខ្ញុំចង់បន្តនូវបទពិសោធនៃជីវិតពិតរបស់ខ្ញុំទៅដល់មនុស្សទូទៅគ្រប់រូបឱ្យបានយល់ដឹងដើម្បីយកទៅប្រតិបត្តិឱ្យកើតជាការផ្លាស់ប្តូរក្នុងជីវិតរបស់ខ្លួនបានយ៉ាងប្រត្យក្ស។
