អាថ៌កំបាំងនៃការ ឲ្យ និង ទទួល ដ៏មានថាមពល

#តើធ្វើយ៉ាងណាមិនឲ្យអ្នកដទៃយកប្រៀបលើ?
អ្នកចរចាជោគជ័យ ជាមនុស្សដែលគិតដល់ខ្លួនឯង និងអ្នកដទៃ។ ខាសថិន ដឺ ដ្រូ (Carsten De Dreu) អ្នកស្រាវជ្រាវជនជាតិហូឡង់បានវិភាគការងារស្រាវជ្រាវ ២៨ លើក ហើយសរុបថា អ្នកចរចាដ៏អស្ចារ្យមិនមែនជាអ្នកទទួល ហើយក៏មិនមែនជាអ្នកឲ្យដែលមិនគិតដល់ខ្លួនឯងផងដែរ។ អ្នកទទួលផ្ដល់ភាពសំខាន់ខ្លាំងលើការទាមទារផលប្រយោជន៍ផ្ទាល់ខ្លួន ពួកគេយល់ថា ការចរចាត្រូវមានភាគីម្ខាងខាតបង់ ពួកគេមិនទុកចិត្តភាគីម្ខាងទៀត ទើបពួកគេចរចាដោយមើលរំលងឱកាសក្នុងការស្វែងយល់ពីតម្រូវការរបស់ភាគីម្ខាងទៀត។ ចំណែកអ្នកឲ្យដែលមិនគិតដល់ខ្លួនឯង ក៏ព្រមធ្វើតាមភាគីម្ខាងទៀតច្រើនជ្រុលរហូតផ្ដល់ផលអាក្រក់ចំពោះខ្លួនឯង។ អ្នកចរចាដ៏អស្ចារ្យនឹងគិតដល់ខ្លួនឯង និងអ្នកដទៃ ពួកគេបង្ហាញការយកចិត្តទុកដាក់ចំពោះផលប្រយោជន៍ខ្លួនឯង និងភាគីម្ខាងទៀត។ ការស្វែងរកឱកាសធ្វើប្រយោជន៍ដើម្បីអ្នកដទៃ និងខ្លួនឯង ជួយឲ្យមនុស្សទាំងនេះអាចគិតបានល្អិតល្អន់ជាងមុន ថែមទាំងរកផ្លូវចេញដែលនឹងធ្វើឲ្យគ្រប់ភាគីទទួលបានប្រយោជន៍ដែល អ្នកទទួល និងអ្នកឲ្យដែលមិនគិតដល់ខ្លួនឯងមិនអាចធ្វើបាន។ ក្រៅពីនេះ ជំនួសការដែលលើកប្រយោជន៍ឲ្យភាគីម្ខាងទៀតដូចអ្នកឲ្យដែលមិនគិតដល់ខ្លួនឯង អ្នកឲ្យដែលគិដល់ខ្លួនឯង និងអ្នកដទៃនឹងធ្វើរឿងដែលជួយបន្ថែមប្រយោជន៍សម្រាប់គ្រប់ភាគី។