ការអនុវត្តគោលការណ៍ «Miracle morning» ឬ «ការក្រោកពីព្រលឹម» វាដូចជាការវិនិយោគលើខ្លួនឯង នៅពេលដែលអ្នកចំណាយពេលព្រលឹមរបស់អ្នកឱ្យមានតម្លៃ ប្រៀបដូចជាការក្រេបយកពេលវេលាដ៏សំខាន់នៃថ្ងៃនេះឱ្យខ្លួនឯង ធ្វើឱ្យអ្នកអាចវិនិយោគដើម្បីទទួលបានផលចំណេញកាន់តែច្រើន។
សៀវភៅ «វិថីឆ្ពោះទៅកាន់មហាសេដ្ឋីពេលព្រឹកដ៏អស្ចារ្យ» គឺជាសៀវភៅមួយក្បាលដែលនិយាយទាក់ទងនឹងអ្វីគ្រប់យ៉ាងដែលធ្វើឱ្យជីវិតរបស់អ្នកប្រសើរឡើង ឋានៈក៏កាន់តែខ្ពង់ខ្ពស់ តំណែងមហាសេដ្ឋីកាន់តែខិតមកជិតអ្នក នៅពេលដែលអ្នកក្រោកពីព្រលឹម និងគោលការណ៍ក្នុងការអភិវឌ្ឍខ្លួនឯង ដើម្បីឆ្ពោះទៅរកភាពស្តុកស្ដម្ភ ហើយថែមទាំងបង្ហាញពីអ្វីៗដែលសេដ្ឋីធ្វើមុនម៉ោង៨ព្រឹក ដើម្បីឱ្យគាត់ក្លាយជាអ្នកមានផងដែរ។
