IKIGAI អា​ថ៌កំបាំង​អាយុ​វែង​និង​រស់​នៅ​រីករាយ​របស់​ជន​ជាតិ​ជ​ប៉ុន

តាមបទពិសោធន៍ផ្ទាល់ខ្លួន លោក Frankl ជឿជាក់ថា សុខភាពរបស់យើងពឹងផ្អែកទៅលើភាពតានតឹងពីធម្មជាតិ ដែលកើតឡើងពីការប្រៀបធៀបនូវអ្វីដែលយើងបានសម្រេចកន្លងមក ជាមួយនឹងអ្វីដែលយើងចង់សម្រេចបាននាពេលអនាគត។ ដូចនេះ អ្វីដែលយើងត្រូវការមិនមែនជាអាទិភាពប្រកប ដោយសន្តិភាពនោះទេ តែជាបញ្ហាប្រឈមដែលយើងអាចខិតខំជម្នះដើម្បីសម្រេចបានដោយការអនុវត្តជំនាញទាំងអស់ដែលមាននៅក្នុងខ្លួនយើង។

ផ្ទុយទៅវិញ វិបត្តិដែលមានស្រាប់ តួយ៉ាងក្នុងសង្គមសម័យទំនើប ដែលមនុស្សធ្វើអ្វីៗតាមតែគេប្រាប់ឱ្យធ្វើ ឬធ្វើតាមអ្វីដែលអ្នកដទៃតែងតែធ្វើជាជាងអ្វីដែលពួកគេចង់ធ្វើ។ ពួកគេច្រើនតែព្យាយាមបំពេញចន្លោះរវាងអ្វីដែលពួកគេត្រូវបានរំពឹងទុកឱ្យធ្វើ និងអ្វីដែលពួកគេចង់បានសម្រាប់ខ្លួនគេ ដោយឥទ្ធិពលផ្នែកសេដ្ឋកិច្ច ឬភាពសប្បាយរីករាយផ្នែករាងកាយ ឬដោយភាពស្ពឹកស្រពន់នៃអារម្មណ៍។ វាថែមទាំងអាចឈានដល់ការធ្វើអត្តឃាតទៀតផង។