“ឃាតកម្មអាថ៌កំបាំងនៅបាតទន្លេ” ជាប្រលោមលោកបែបស៊ើបអង្កេតដែលលើកឡើងអំពីរឿងរ៉ាវឃាតកម្មទៅលើនារីម្នាក់ដែលសាកសពរបស់នាងត្រូវបានគេយកទៅបោះចោលក្នុងទឹកទន្លេ។ នារីដែលត្រូវបានកែសម្លាប់ជាស្រីកំណាន់ចិត្តរបស់បុរសម្នាក់ដែលមានប្រពន្ធនិងកូនរួចទៅហើយ។ បុរសជាគូស្នេហ៍បានដឹងថា ស្រីកំណាន់ចិត្តរបស់ខ្លួនបានស្លាប់នៅខណៈពេលដែលនាងទៅរកឯផ្ទះលំហែឆ្នេរទន្លេជាផ្ទះដែលប្រពន្ធរបស់ខ្លួន និងបីគ្រួសារផ្សេងទៀតជួលឲ្យកូនប្រុសសម្រាប់រៀនត្រៀមមុនពេលប្រលងចូលរៀនអនុវិទ្យាល័យ ឬអាចហៅថាជំរំរៀនគួរពិសេស។
ហេតុអ្វីបានជានាងទៅផ្ទះលំហែនោះ? តើនរណជាអ្នកសម្លាប់នាង? តើអ្វីជាហេតុផលពិតនៅពីក្រោយការស្លាប់របស់នាង? ចម្លើយនឹងត្រូវបានឆ្លើយតាមរយៈសាច់រឿងដែលអត្ថន័យ និងដំណើររឿងមានភាពស៊ីសង្វាក់ប្រទាក់ក្រលាគ្នា ពោរពេញទៅដោយភាពអាថ៌កំបាំងដោយសារភាពប៉ិនប្រសប់របស់អ្នកនិពន្ធធ្វើឲ្យអ្នកអានចង់តាមដានពីមួយវគ្គទៅមួយវគ្គ។
ជាចុងក្រោយ យើងខ្ញុំសូមអរគុណដល់មិត្តអ្នកអានទាំងអស់ដែលបានគាំទ្រដល់ការរៀបរៀងសៀវភៅរបស់យើងខ្ញុំ និងសូមអធ្យាស្រ័យនូវរាល់កំហុសឆ្គង ឬការភ្លាំងភ្លាត់ដោយអចេតនា។ អាស្រ័យហេតុនេះ យើងខ្ញុំរីករាយនឹងទទួលយកនួវរាល់ការរិះគន់កែលម្អទាំងឡាយដើម្បីឲ្យយើងខ្ញុំអាចបម្រើអស់លោកអ្នកអានឲ្យកាន់តែល្អប្រសើរជាងមុនថែមទៀត។
