យុទ្ធសាស្ត្រនៃការដឹកនាំអាជីវកម្មឱ្យជោគជ័យមិនដូចៗគ្នានោះទេ ដោយសារគំនិតរបស់អ្នកដឹកនាំក្រុមហ៊ុន ឬអាជីវកម្មនីមួយៗខុសប្លែកគ្នាដែរ។ អ្នកដឹកនាំម្នាក់ យល់ ឬគិតថាគំនិតនេះ ឬយុទ្ធសាស្ត្រមួយនេះល្អ ស៊ីគ្នាជាមួយនឹងក្រុមហ៊ុន ឬអាជីវកម្មរបស់គាត់ក្នុងស្ថានការណ៍ជាក់ស្តែងមួយនេះ។ ប៉ុន្តែសម្រាប់គំនិតដដែលនេះ មេដឹកនាំក្រុមហ៊ុន ឬអាជីវកម្មផ្សេងទៀត អាចយល់ថាមិនល្អ ឬមិនស៊ីនឹងស្ថានការណ៍ជាក់ស្តែងនៃអាជីវកម្មរបស់គាត់នោះទេ។
ដូច្នេះវាលំបាករកយុទ្ធសាស្ត្រស្តង់ដារល្អមួយសម្រាប់មេដឹកនាំក្រុមហ៊ុនអាជីវកម្មទាំងអស់គ្នាណាស់។
សម្រាប់ការរៀបចំយុទ្ធសាស្ត្រសម្រាប់អាជីវកម្ម ឬក្រុមហ៊ុននីមួយៗ លោក William A. Cohen ក្នុងសៀវភៅមានចំណងជើងថា “សិល្បៈរបស់អ្នកយុទ្ធសាស្ត្រ The Art Of The Strategist” បានណែនាំនូវគោលការណ៍ចំនួន ១០ ចំនុច សម្រាប់ដឹកនាំក្រុមហ៊ុនរបស់អ្នកឱ្យសម្រេចបានជោគជ័យ 10 Essential Principles For Leading Your Company To Victory៖
១- ត្រូវតាំងចិត្តឱ្យបានពេញលេញចំពោះគោលដៅមួយជាក់លាក់ (Commit fully to a definite objective)
២- ត្រូវឆ្លៀតចាប់យកគំនិតផ្តួចផ្តើម ហើយត្រូវថែរក្សាវាទុកឱ្យបាន (Seize the initiative and keep it)
៣- ត្រូវចេះប្រើប្រាស់ឱ្យបានត្រឹមត្រូវនូវធនធានដែលមាន (Economize to mass your resources)
៤- ត្រូវចេះប្រើការកំណត់ទីតាំងជាយុទ្ធសាស្ត្រ (Use strategic positioning)
៥- ត្រូវធ្វើអ្វីដែលគេគិតមិនដល់ (Do the unexpected)
៦- ត្រូវធ្វើអ្វីៗឱ្យវាសាមញ្ញ (Keep things simple)
៧- ត្រូវរៀបចំផ្លូវដើរច្រើនច្រកក្នុងពេលតែមួយ (Prepare multiple, simultaneous alternatives)
៨- ត្រូវចេះដើរផ្លូវវាងឱ្យទៅដល់គោលដៅ (Take the indirect route to your objective)
៩- ត្រូវចេះកំណត់ពេលវេលា និងលំដាប់លំដោយការងារ (Practice timing and sequencing)
១០- ត្រូវចេះទាញយកប្រយោជន៍ពីជោគជ័យ (Exploit your success)
