មនុស្ស១០០ គំនិត១០០០» គឺជាសៀវភៅដែលនាំលោកអ្នកឲ្យ ស្គាល់បុគ្គលល្បីល្បាញ និងជោគជ័យចំនួន១០០រូប ដោយភ្ជាប់នូវគំនិត និងទស្សនៈដ៏មានតម្លៃរបស់ពួកគេប្រមាណ១០០០។ តើពួកគាត់ជា អ្នកណា? ហើយតើគាត់មានគំនិត និងទស្សនៈបែបណាខ្លះ?
ដូចអ្វីដែលខ្ញុំបានបង្ហាញក្នុងមាតិកាស្រាប់ ពួកគាត់គឺជាមនុស្សសុទ្ធសាធ មិនមែនជាបិសាច ឬទេវតាណាមួយឡើយ។ ពួកគាត់ជាអ្នកនយោបាយ មេដឹកនាំពិភពលោក មហាសេដ្ឋី ឬអ្នកជំនួញ អ្នកប្រាជ្ញ ទស្សនវិទូ កីឡាករ ឬសិល្បករ និងអ្នកវិទ្យាសាស្រ្ត ជាដើម។ ចំណែកទស្សនៈ ឬគំនិតវិញ ត្រូវបានដកស្រង់មួយផ្នែកពាក់ព័ន្ធនឹងអាជីព ឬការងាររបស់ពួកគាត់ តែម្តងដោយលាយឡំជាមួយទស្សនៈទូទៅផង ដែលធ្វើឲ្យសៀវភៅកម្រាស់ជាង២៣០ទំព័រនេះ ពោរពេញដោយភាពចម្រុះគួរសម។
