“ម៉ូសាដ” គឺជាសៀវភៅមួយដែលនិយាយអំពីបេសកកម្មដ៏អស្ចារ្យ និងស្ទើរ តែមិនគួរឱ្យជឿដែលភ្នាក់ងាររបស់អ៊ីស្រាអ៊ែល អាចធ្វើបានមួយជំហ៊ានមុនសត្រូវ របស់ខ្លួនមានឱកាសកម្ទេចរដ្ឋរបស់ខ្លួនជានិច្ច។ បើអ៊ីស្រាអ៊ែល មិនអាចដឹងជាមុននូវផែនការរបស់សត្រូវនៅជំវិញខ្លួនទេ ម្លេះរដ្ឋអ៊ីស្រាអែល មួយនេះ នឹងគ្មានវត្តមានរហូតមកដល់សព្វថ្ងៃនេះទេ។
សៀវភៅនេះ ក៏និយាយផងដែរអំពីបេសកកម្ម តាមចាប់ខ្លួនមេដឹកនាំនិងអ្នក ទទួលខុសត្រូវជាន់ខ្ពស់ក្នុងរបបណាស៊ីស ដូចជា អាឌុលអ៊ិចមែន ដែលបានកាប់សម្លាប់ជនជាតិអ៊ីស្រាអ៊ែលអស់រាប់លាននាក់។ សាកស្រមៃទៅមើល តាមរកមនុស្សម្នាក់ដែលជាមេដឹងនាំជាន់ខ្ពស់របស់របបណាស៊ីស ហើយថែមទាំងបានដឹងខ្លួនជាមុនទៀតថា ភ្នាក់ងារម៉ូសាដ កំពុងតែតាមរកខ្លួន និងមិនឱ្យខ្លួនរួចខ្លួនឡើយ នៅក្នុងពិភពលោកដ៏ធំនេះ ដូចរាវរកម្ជុលក្នុងមហាសមុទ្រ តែ ភ្នាក់ងារសំងាត់របស់ អ៊ីស្រាអ៊ែល អាចតាមរកឃើញ ហើយថែមទាំងអាចនាំមកកាត់ទោសនៅក្នុងប្រទេសអ៊ីស្រាអ៊ែល បានទៀត តើគេអាចធ្វើបានដោយរបៀបណា? ពិតជាមិនស្ងើចសរសើរមិនបានមែន។
តាមរយ:បទពិសោធន៍ដែលបានអាននិងរៀបចំសៀវភៅវនេះ ក្រុមការងារយើងខ្ញុំដឹងយ៉ាងច្បាស់ថា បើទ័ពអិលឌីភីយើងឬបក្ខជនយើង បានអានសៀវភៅនេះដោយយកចិត្តទុកដាក់ម្តងជាពីរដង នោះវានឹងបានទៅជាស្មារតី និងផែនទីបំភ្លឺផ្លូវ ដើម្បីឆ្លុះបញ្ចាំងមើលផែនការឬបេសកកម្មរបស់សត្រូវក្បែរខាងរបស់ពួកយើងដែលបាននិងកំពុងធ្វើសកម្មភាពនៅលើផ្ទះរបស់ពួកយើង ដើម្បីសម្រេចផែនការរបស់ប្រទេសគេផង និងបានទៅជាភ្នែកជាច្រមុះរបស់ ចលនារបស់ពួកយើងនៅគ្រប់ពេលវេលានិងទីកន្លែងដែលទ័ពយើងកំពុងតែ ស្ថិតនៅផង។
ឧទាហរណ៍ដ៏ល្អនៅក្នុងសៀវភៅម៉ូសាដនេះ គឺភ្នាក់ងារដ៏អស្ចារ្យម្នាក់របស់អ៊ីស្រាអ៊ែល ឈ្មោះអេលីខូន (The impossible spy) បានជ្រាតចូលយ៉ាងជ្រៅទៅក្នុងរចនាសម្ព័ន្ធរបស់ប្រទេសស៊ីរី មានឋាន:ជាអនុរដ្ឋមន្ត្រីក្រសួង ការពារជាតិ ដែលនៅសល់តែថ្ងៃនឹងត្រូវបានតម្លើងឋាន:ជារដ្ឋមន្ត្រីក្រសួងនេះតែប៉ុណ្ណោះ។ តាមរយ:ភ្នាក់ងារសំងាត់ម្នាក់នេះ អ៊ីស្រាអ៊ែល អាចដឹងទីតាំង លាក់ទុកអាវុធ និងផែនការសំងាត់ដែលគេប្រុងវាយកម្ទេចអ៊ីស្រាអ៊ែល ហើយ អ៊ីស្រាអ៊ែល អាចវាយកម្ទេចផែនការរបស់សត្រូវ បានមុនមួយជំហ៊ានជានិច្ច។
កូនខ្មែរប្រាកដជាធ្លាប់បានលឺហើយថា បរទេសខាងកើត វាបានជ្រាបចូលគ្រប់ សរសៃឈាមរបស់ខ្មែរយើងហើយ តើគេអាចធ្វើសកម្មភាពបានដោយងាយរបៀបណាទៅក្នុងការសម្រេចផែនការរបស់ពួកគេលើទឹកដីរបស់ពួកយើង?
