ជនជាតិជប៉ុនគ្រប់គ្នាជឿថា មានគុណតម្លៃក្នុងការមានជីវិតរស់នៅ នៅគ្រប់ទិសទីដែលភាសាជប៉ុនហៅថា “អ៊ិគិកៃ” ឬនិយាយអោយងាយយល់គឺ ហេតុផលដែលធ្វើអោយអ្នកក្រោកឡើងនៅេពេលព្រឹកដើម្បីមានក្តីសុខជាមួយនឹងការរស់នៅយ៉ាងមានន័យរៀងរាល់ថ្ងៃ ។
គោលការណ៍ធ្វើជំនួញអោយទទួលជោគជ័យបែបជនជាតិជប៉ុនគឺ ធ្វើជំនួញដោយផ្តោតលើគោលការណ៍ “អ៊ិគិកៃ” ធ្វើរឿងដែលខ្លួនឯងស្រលាញ់ ធ្វើរឿងដែលខ្លួនជំនាញ ធ្វើរឿងដែលបង្កើនចំណូល និងកុំភ្លេចធ្វើប្រយោជន៍ដល់ពិភពលោកមួយនេះ។
“អ៊ិគិកៃ” ជាអ្វីដែលនៅពីក្រោយភាពជោគជ័យផ្នែកមុខជំនួញ ព្រោះពេលរកឃើញថាយើងកើតមកដើម្បីអ្វី យើងនឹងយល់ពីគោលដៅច្បាស់ជាងមុន អាចនិយាយបានថា “ធ្វើរឿងដែលខ្លួនស្រលាញ់ ស្រលាញ់អ្វីដែលខ្លួនធ្វើ និងផ្តល់សំខាន់លើអ្នកដទៃ” ហើយនេះជាប្រភពនៃអ្វីដែលហៅថា “មុខជំនួញជោគជ័យដោយចិត្តស្រលាញ់”។
