តាមពិត វិជ្ជាសាងខ្លួនជាពលរដ្ឋពេញលេញ ជាសៀវភៅ ចំាបាច់ណាស់សម្រាប់ពលរដ្ឋទូទៅ បើយើងហៅឱ្យចំន័យថា វិជ្ជាគំរូសម្រាប់ពលរដ្ឋ ដូច្នេះក៏បាន ព្រោះពលរដ្ឋគ្រប់រូបតែងតែរស់នៅក្រោមអំណាចច្បាប់ប្រទេស ឯស្នាដៃនេះជាក្បួនជាខ្នាតសម្រាប់ពលរដ្ឋយល់ដឹងពីរបៀបរបបក្នុងការប្រតិបត្តិច្បាប់និងការគ្រប់គ្រង ប្រទេសនេះឯង។
ដូច្នេះការធ្វើជាពលរដ្ឋពេញលក្ខណៈជារឿងលំបាក ហេតុនេះទើបយើងខ្ញុំលើកយករបៀបគ្រប់គ្រងពលរដ្ឋនៅក្នុងទសវត្សទី៦០ មកបង្ហាញឱ្យសិស្ស និស្សិត និងប្រជាពលរដ្ឋទូទៅបានយល់ដឹង ដើម្បីទទួលបានបទពិសោធនិងចំណេះដឹងបន្ថែម។ សេចក្ដីពន្យល់ក្នុងអត្ថបទនីមួយៗរបស់សៀវភៅនេះ មានលក្ខណៈខ្លីងាយយល់ ហើយបានបែងចែកអត្ថបទនីមួយៗជាបីផ្នែកគឺ ផ្នែកទី១ សេចក្ដីបរិយាយ ផ្នែកទី២ សេចក្ដីសង្ខេប និងផ្នែកទី៣ សំណួរត្រិះរិះ ដើម្បីឱ្យប្រិយមិត្តអ្នកអានងាយយល់និងងាយចងចាំ។
