“ អំណាចនៃអនុសម្បជញ្ញៈ ” ជាប្រភេទសៀវភៅចិត្តវិទ្យាដែលរៀបចំឡើងសម្រាប់ផ្តល់អត្ថប្រយោជន៍ដ៏ធំធេងដល់លោកអ្នក ព្រោះនៅពេលយើងជួបប្រទះវិបត្តិអ្វីមួយមកលើខ្លួនឯង សភាវគតិបានរំលឹកដាស់តឿនដល់យើងថា “ដល់ពេលត្រូវតែរកជំនួយហើយ” ។
ពិតណាស់ថា ការរកជំនួយនេះ ជាទូទៅយើងតែងពិគ្រោះជាមួយអ្នកដែលជិតស្និទ្ធបំផុត គឺអ្នកដែលមានទំនុកចិត្តល្មមនឹងប្រាប់អាថ៌កំបាំងឬបញ្ហាផ្ទាល់ខ្លួន ឲ្យដឹងបានដើម្បីជួយរកមធ្យោបាយដោះស្រាយបញ្ហានោះ។ តែតាមការណ៍ពិតអ្នកដែលអាចរកដំណោះស្រាយដល់អ្នកបានល្អបំផុតនោះគឺពុំមែនអ្នកដ៏ទៃឯណាឡើយ។ ធម្មជាតិបានបង្កើតឧបករណ៍សម្រាប់ឲ្យអ្នកយកមកប្រើក្នុងការដោះស្រាយបញ្ហាស្រាប់មកហើយទាំងដែលអ្នកនឹកស្មានមិនដល់នោះគឺ “ អនុសម្បជញ្ញៈ” របស់អ្នកនេះឯង។ អ្នកអាចមានបញ្ហារឿងលុយកាក់ គ្រួសារ មុខតំណែងការងារ ឬបញ្ហាផ្សេងៗរាប់រយជំពូកទាក់ទននឹងជីវិតប្រចំាថ្ងៃ។ ក្នុងការតស៊ូប្រយុទ្ធពុះពារនឹងបញ្ហាដ៏គួរឲ្យឈឺក្បាលទាំងនោះ ប្រសិនបើអ្នកយល់ដឹងពីវិធីប្រើអនុសម្បជញ្ញៈឲ្យមានប្រយោជន៍នោះអ្នកពិតជាអាចឆ្លងផុតវិបត្តិធំៗក្នុងជីវិតមិនលែងឡើយ។
ហេតុនេះនៅពេលអ្នកបើកសៀវភៅនេះអានដោយហ្មត់ចត់ហើយសាកល្បងប្រតិបត្តិតាម នោះប្រៀបដូចជាអ្នកមានកូនសោបើកទ្វារឆ្ពោះទៅរក “ កំណប់ទ្រព្យ ” ដែលមានស្រាប់នៅក្នុងខ្លួន ហើយអាចរកឃើញដំណោះស្រាយយ៉ាងងាយស្រូលនិងអាចយកទៅប្រតិបត្តិបានលឿនរហ័សទាន់ចិត្ត មិនខាតពេលវេលាឡើយ។ យើងខ្ញុំសង្ឃឹមថា សៀវភៅ “ អំណាចនៃអនុសម្បជញ្ញៈ ” មួយនេះនឹងមិនធ្វើឲ្យប្រិយមិត្តអ្នកអានខកបំណងឡើយ។
