សំណើចជាឪសថ ឫសើចច្រើនចម្រើនអាយុ! នេះមិនមែនជា ពាក្យកំប្លែងទេ តែពាក្យពិត ហើយបច្ចុប្បន្ននេះគេរកឃើញគុណ ប្រយោជន៍ជាច្រើននៃសំណើចចំពោះសុខភាព។ គុណប្រយោជន៍នេះត្រូវទទួលស្គាល់ថាដោយវិទ្យាសាស្ត្រទៀតផង។ សំណើចមិនត្រឹមតែមានតួរនាទីសំខាន់មួយសម្រាប់រស់នៅក្នុងសង្គមនោះទេ។ សំណើចការផ្ទុកកំប្លែងលេង និងភាពរីករាយ ពិតជាផ្តល់ប្រយោជន៍ជាខ្លាំងដល់ខ្លូនប្រាណនិងជាពិសេសដល់ខួរក្បាល។
សុខភាពគឺជាគ្រឹះនៃជីវិត បើគ្មានសុខភាពទេ អ្វីៗក៏គ្មានដែរ។ ការវិនិយោគជាមួយសុខភាពជាការវិនិយោគដ៏ឆ្លាតវៃបំផុត។ មនុស្សគ្រប់គ្នាតែងប្រាថ្នាចង់រស់នៅប្រកបដោយសេចក្តីសុខ ទាំងផ្លូវកាយនិងផ្លូវចិត្ត ប៉ុន្តែដើម្បីសុខមាលភាពផ្លូវចិត្តប្រកបដោយភាពក្សោមក្សាន្តនោះអ្នកត្រូវចាំបាច់ត្រូវការរាងកាយឲ្យមានសុខភាពល្អ។ យ៉ាងណាក្តី ដើម្បីសម្រេចបាននូវការរស់នៅប្រកបដោយសុខភាពល្អ លោកវេជ្ជបណ្ឌិត ថោង នីដាមុនី នឹងណែនាំពីវិធីថែទាំនៅក្នុងសៀវភៅដ៏មានតម្លៃមួយក្បាលនេះ។
