បើចង់ក្លាយជាអ្នកមាន លោក Robert Kiyosaki គឺជាអ្នកនិពន្ធសៀវភៅអភិវឌ្ឍ ហិរញ្ញវត្ថុបុគ្គលដ៏ល្បីឈ្មោះម្នាក់ដែលស្នាដៃល្បីបំផុតរបស់លោកត្រូវបានគេស្គាល់នោះគឺសៀវភៅមានចំណងជើងថា “Rich Dad Poor Dad”។ លោកបានបែងចែកលំហូរសាច់ប្រាក់ជាបួនប្រភេទ ហើយការយល់ដឹងពីលំហូរសាច់ប្រាក់នេះអាចជួយឲ្យអ្នកកំណត់គោលដៅអនាគតដើម្បីសម្រេចសេរីភាពហិរញ្ញវត្ថុបានប្រសើរ។ E គឺសំដៅទៅលើ Employee (និយោជិក)។ បើអ្នកស្ថិតក្នុងដំណាក់កាលនេះ អ្នកគឺកំពុងធ្វើការឲ្យនរណាម្នាក់ ឬក្រុមហ៊ុនណាមួយ។ ពេលវេលាដែលអ្នកធ្វើការគឺប្ដូរមកវិញជាកម្រៃ។ អ្នកអាចមានសន្តិសុខផ្នែកហិរញ្ញវត្ថុ តែអ្នកគ្មានពេលសម្រាប់ខ្លួនឯងឡើយ ហើយអ្នកដទៃជាអ្នកកំណត់ចំណូលឲ្យអ្នក។ S សំដៅទៅលើ Self-Employed (មានការងារ ឬមុខរបរតូចផ្ទាល់ខ្លួន)។ ចំណុចនេះ អ្នកមានមុខរបរតូចខ្លួនឯង។
