ច្បាប់បញ្ញាត្តិ ឬកិច្ចសន្យាទិញសៀវភៅ
ក្រុមការងាររបស់ Think Bookshop បានរួមចំណែកដើម្បីជួយសម្រួលក្នុងការស្វែររកភាពងាយស្រួលដល់អតិថិជនដែលនិយមអានសៀវភៅ និងកាត់បន្ថយពេលវេលាក្នុងការចំណាយពេលច្រើនដើម្បីស្វែងរកសៀវភៅដែលខ្លួនត្រូវការ។ ដូច្នេះ ទើបយើងរួមគ្នាបង្កើតជាវេបសាយមួយ ដែលអាចអោយអតិថិជនកម្មង់ (Orders)សៀវភៅតាមសេចក្តីត្រូវការបាន តាមរយៈគេហទំព័រ www.thinkbookshop.com មួយនេះ។
**គោលបំណង
វេបសាយនេះបង្កើតឡើងក្នុងគោលបំណងធំៗពីរយ៉ាង។ ទី១ គឺជួយលើកស្ទួយដល់វិស័យអប់រំនៅកម្ពុជា តាមរយៈអំណាន។ ទី២ ជួយសម្រួលដល់អ្នកនិយមអានសៀវភៅ ប៉ុន្តែគ្មានពេលគ្រប់គ្រាន់ដើម្បីទៅជាវដល់ទីកន្លែង ឬតាមបណ្ណាគារនានា។
ដើម្បីអោយការបញ្ជាទិញសៀវភៅពីវេបសាយយើងខ្ញុំមានសុក្រិតភាព ចូរអតិថិជនទាំងអស់អានរាល់លក្ខខ័ន្តិកៈរបស់ក្រុមហ៊ុន Think Bookshop អោយយល់ច្បាស់ជាមុន មុននឹងបញ្ជាទិញសៀវភៅផ្សេងៗ ដើម្បីជៀសវាងការភាន់ច្រឡំដោយប្រការណាមួយដោយអចេតនា ដែលនាំអោយខាតប្រាក់កាក់របស់លោកអ្នក។
**លក្ខខណ្ឌ
- រាល់ការបញ្ជាទិញសៀវភៅណាមួយ ជាមួយនឹង Think Bookshop គឺអ្នកត្រូវមានទំនួលខុសត្រូវខ្ពស់លើខ្លួនឯង មានភាពស្មោះត្រង់ច្បាស់លាស់ និងត្រូវតែជាម្ចាស់នៃការបញ្ជាទិញមួយនេះ។
- រាល់អ្នកបញ្ជាទិញសៀវភៅ (យើងហៅកាត់ថា “ភាគីក”) ពីវេបសាយយើងខ្ញុំ Think Bookshop (យើងហៅកាត់ថា “ភាគីខ”) គឺត្រូវតែបង់ប្រាក់កក់មុន ៥០%(ហាសិបភាគរយ) នៃប្រាក់សរុបទាំងអស់អោយទៅភាគីខ មុននឹងទទួលឥវ៉ាន់(សៀវភៅ)។
- ចំពោះរាល់ការបញ្ជាទិញសៀវភៅរបស់អ្នកជាមួយនឹង Think Bookshop ត្រូវបានចាត់ទុកថាជាកិច្ចសន្យាព្រមព្រៀងគ្នាមួយរវាងភាគីទាំងសងខាង មុននឹងបញ្ជូនឥវ៉ាន់ទៅ “ភាគីក”។ ក្រោយពីការព្រមព្រៀងគ្នារួចរាល់គ្រប់លក្ខខណ្ឌទាំងអស់រវាងភាគីទាំងសងខាងហើយ គឺមិនអនុញ្ញាតអោយ “ភាគគីក” លុបការបញ្ជាទិញវិញជាដាច់ខាត បើពុំនោះទេប្រាក់កក់ពាក់កណ្តាល(៥០%)ត្រូវកាត់ទៅអោយ “ភាគីខ” ទាំងអស់ដោយគ្មានលក្ខខណ្ឌ។
- រាល់ការបញ្ជាទិញសៀវភៅទាំងអស់ ចាប់ពីចំនួន ១០ក្បាលឡើង និងទទួលបានការបញ្ចុះតម្លៃពិសេសជូន ចាប់ពី ១០% រហូតដល់ ២០% ទៅតាមការកំណត់របស់ “ភាគីខ” ជាអ្នកកំណត់ជូនអតិថិជន “ភាគីក”។ អ្វីដែលកាន់តែពិសេស នឹងមានការដឹកជញ្ជូនឥតគិតថ្លៃថែមទៀត។
- សម្រាប់ការជាវសៀវភៅពី Think Bookshop ទៅដាក់តាមបណ្ណាល័យ ឬសាលានានាក្នុងព្រះរាជាណាចក្រកម្ពុជា (ការបរិច្ចាគ) នឹងមានការផ្តល់ជូនពិសេសបន្ថែម ដើម្បីជាការលើកទឹកចិត្ត និងលើកស្ទួយវិស័យអប់រំនៅកម្ពុជា។
- ចំពោះការបញ្ចុះតម្លៃជូនពិសេសនេះ គឺមានតែសម្រាប់ការបញ្ជាទិញពីវេបសាយរបស់ Think Bookshop តែមួយគត់។
- រាល់ការបញ្ជាទិញសៀវភៅទាំងអស់ នឹងទៅដល់ដៃអតិថិជន ក្នុងចន្លោះពេលពី ១ថ្ងៃ ទៅ ៣ថ្ងៃ ឬយ៉ាងយូរបំផុតចំនួន ៧ថ្ងៃ(១សប្ដាហ៍) បន្ទាប់ពីការបញ្ជាទិញត្រូវបានអនុវត្តន៍ (សម្រាប់ក្នុងព្រះរាជាណាចក្រកម្ពុជាប៉ុណ្ណោះ)។ ប្រសិនបើមានករណីលើសពីការកំណត់នេះ គឺខាងក្រុមហ៊ុន “ភាគីខ” នឹងចេញថ្លៃខូចខាតដល់អតិថិជនវិញទាំងអស់ ១០០%។
- រាល់លក្ខខ័ន្តិកៈទាំងអស់ត្រូវបានអនុវត្តន៍ បន្ទាប់ពីភាគីទាំងសងខាងយល់ព្រមរាល់កិច្ចព្រមព្រៀងនេះ។
- ក្រុមហ៊ុន Think Bookshop “នាំសៀវភៅដល់ដៃអ្នក” ៕
